Viðburða- og verkefnastjóri

Margra ára reynsla við skipulag á viðburðum og vinna verkefna af öllum stærðum og gerðum.

Upplýsingar um mig og mína reynslu

Ég hef margra ára reynslu af verkefna- og viðburðastjórnun, sölu, markaðssetningu og ferðaþjónustu og hef skipulagt og stýrt fjölbreyttum verkefnum fyrir fyrirtæki og stofnanir. Ég tek að mér stór og smá verkefni, allt frá hugmynd og skipulagningu yfir í framkvæmd og eftirfylgni. Hvort sem um er að ræða einstakan viðburð eða tímabundið verkefni sem þarf einfaldlega einhvern til að taka utan um, get ég komið inn, tekið ábyrgð og séð til þess að hlutirnir gangi upp.

Fjölbreytt reynsla

Undanfarin ár hef ég starfað við verkefna- og viðburðastjórnun hjá Listaháskóla Íslands. Ég hef einnig að baki reynslu úr ferðaþjónustu, sölu, innflutningi og sjálfstæðum rekstri. Ég hef skipulagt ferðir og brúðkaup fyrir erlenda gesti, stýrt hópum, unnið við sölu á erlendum mörkuðum og tekið þátt í sýningum og kynningarstarfi erlendis. Þessi fjölbreytta reynsla hefur kennt mér að vera lausnamiðuð, skipulögð og fljót að bregðast við þegar eitthvað óvænt kemur upp – sem gerist oftar en ekki.

Skipulag, samskipti og framkvæmd

Ég legg mikla áherslu á góð samskipti, fagleg vinnubrögð og góða þjónustu. Ég á auðvelt með að vinna með ólíku fólki, koma fram fyrir hönd fyrirtækja og halda utan um marga verkþætti samtímis. Ég tala íslensku, lúxemborgísku, ensku, þýsku og frönsku þannig að alþjóðleg verkefni og samskipti við erlenda gesti og samstarfsaðila eru því ekkert nýtt fyrir mér.

Vantar einhvern til að taka verkefnið að sér?

Oft eru það verkefnin sem falla á milli skips og bryggju af því þau taka tíma sem starfsfólk fyrirtækis hafa ekki tíma í.

Fyrirtæki þurfa ekki alltaf að ráða nýjan starfsmann – stundum vantar einfaldlega reyndan verkefnastjóra sem getur komið inn, tekið verkefnið að sér og klárað það.

Hvort sem verkefnið er stórt eða smátt, eitt skipti eða yfir ákveðið tímabil, þá er velkomið að hafa samband.

Segið mér frá verkefninu – og við skoðum hvernig ég get aðstoðað.